Koronavırýsqa qarsy preparattar eldiń ártúrli aımaqtarynyń egý ortalyqtaryna birkelki túspeıdi, sondyqtan Germanııada «vaksınasııa týrızmi» damýda. Bir jaǵynan, bul úrdis barlyq aımaqtarda dári-dármekterdiń qajetti mólsherin qamtamasyz ete almaǵan saıasatkerlerdiń sátsizdigin kórsetedi. Ekinshi jaǵynan, ol halyqtyń vaksınasııaǵa daıyn ekendigin ańǵartady.
Japonııa Olımpıada oıyndaryna daıyndalýda. AQSh syrtqy ister mınıstrligi oıyndar ashylǵanǵa deıin eki aı buryn koronavırýstyń taralýyna baılanysty Japonııaǵa saparlardyń qajet emestigi týraly málimdeme jasady. Memlekettik departament táýekel dárejesin eń joǵary deńgeıge kóterdi. «Tipti vaksınasııalanǵan saıahatshylar Japonııada koronavırýs juqtyrýy múmkin jáne osylaısha onyń jańa nusqalarynyń taralýyna yqpal etedi», dep habarlaıdy aýrýlardy baqylaý jáne aldyn alý ortalyǵy.
Brazılııada koronavırýs ınfeksııasy boıynsha epıdemıologııalyq jaǵdaı kúrdelene tústi. О́tken táýlikte COVID-19 saldarynan 790 naýqas kóz jumdy. Infeksııa juqtyrýdyń táýliktik ósimi 37 498 jaǵdaıdy qurady. Jalpy, pandemııa bastalǵannan beri 211 mıllıon halqy bar Brazılııada koronavırýsty juqtyrýdyń 16 mıllıonǵa jýyq deregi tirkeldi. 450 myńǵa jýyq naýqas qaıtys boldy.
Malta koronavırýsqa qarsy ujymdyq ımmýnıtet qalyptasqan Eýro Odaqtaǵy alǵashqy memleket boldy. Resmı málimetter boıynsha, eresek turǵyndardyń shamamen 70%-y Sovid-19-ǵa qarsy vaksınanyń kem degende bir komponentin saldyrǵan. 16 jastan asqan Malta azamattarynyń 42%-y vaksınanyń eki dozasyn aldy. Halyqtyń eń osal bóligi bolyp sanalatyn 60 jastan asqan adamdar arasynda ekpe qabydaǵandardyń úlesi 95%-ǵa jetti. Aıta ketý kerek, Malta-EO jáne álemniń ózge elderinen kelgen týrıster jıi keletin súıikti oryn bolyp sanalady.
